Dundak – wusyłanje za dźěći (MDR Serbja) · MDR

Naša tema mjez druhim: W Budyskej serbskej pěstowarni "Jan Radyserb Wjela" su štyri nowe ewangelske drasty za holcy dóstali a su tam na mejemjetanju hnydom hrónčko k temu měli.

Dźěćace wusyłanje 13.05.2023: Meja - to je čas mejemjetanja. A naš Dundak bě zaso za was po puću. Mjez druhim w Pančicach-Kukowje.

My smy sej raz kolesowarske pruwowanje za štwórty lětnik wobhladali. Dźěći serbskeje zakładneje šule su so na tute tři dny přihotowali a sebi teoriju hižo tydźenje do toho w šuli přiswojili.

Dundak je sej na dźěćacu a młodźinsku farmu do Wojerec dojěł a so tam z Elžbjetu Hojerowej zetkał. Wona je jemu pokazała, kelko zwěrjatow su tam doma. To je jedna z temow měrcowskeho wudaća Dundaka.

Kedźbu, wuši nastajeć! Dundak je zaso po puću był a to samo, wosrjedź zymskich prózdnin. Mjez druhim je tež z medijowymi skawtami porěčał.

Helaw, helaw, je čas póstnicow! Jónu wob lěto ­krónuja w Kulowje dźěćacy princowski por. Wo tym rozprawjamy mjez druhim tónraz w Dundakowym wusyłanju.

Tónraz zhoniće mjez druhim, kak je so we Łužicy ptači kwas woswjećił. Nimo toho porěčimy skrótka tež wo lětušim Jolka swjedźenju.

Tón króć zhoniće mjez druhim, kak so w hěće w Alpach bydli. Andrea Henichec je někotre měsacy jako pinčnica na tajkej hěće za pućowarjow dźěłała.

Tež w adwenće bě naš DUNDAK zaso po puću. Tónraz poby mjez druhim na knižnej premjerje.

Šulerjo Worklečanskeje šule su so na hodownej pakćikowej akciji towarstwa Swjateje Filomeny wobdźělili. Za to su pilnje dary zapakowali a Geratej Wroblej přepodali. Tón je z wulkim transporterom přijěł a DUNDAK bě pódla.

Je dobry čas za wobkedźbowanje njetopyrjow, prjed hač do zymskeho kwartěra zaćahnu. Dundakej je biologowka Madlena Mičkec na nocy njetopyrjow w Njeswačidle pokiwy dała, kak najlěpje cycaki wobkedźbuješ.

Dundak rozprawja wo dźěćacej spěwohrě "Z tobu". Što je tam wšitko dožiwł, zhoniće tule.