Słuchatko - stawizny, reportaže, informacije ze Serbow (MDR Serbja)

Je městačko, kotrež titul swětowe kulturne herbstwo hižo dlěje ma a kotrež so złožuje na Ochranowsku wosadu. Bogna Korjenkowa je runje w tutym městačku w Danskej pobyła – njedaloko hranicy.

Njedźelniše wusyłanje 14.07.2024: W Kozarcach su 35 lět dołho swójsku kupjel měli, ale ju něšto lět po přewróće zawrěć dyrbjeli. Monika Gerdesowa zhladuje wróćo a pohlada, što je dźensa na terenje něhdyšeje kupjele.

Beno Šołta bě po puću ze słuchomobilom, tónkróć pola Hančec w Protecach, blisko Halštrowa. Z powětrowej techniku tam dźěłaja, cyle rozdźělne mašiny tam twarja.

Njedźelniše wusyłanje 07.07.2024: Lětuša Europeada je drje nimo. Rezultaty su mjeztym wšě znate. Bogna Korjeńkowa je z Janekom Wočerjom zjeće zašłeho tydźenja produkowała, kiž so jeničce na kopańcu njezłožuje.

Njedźelniše wusyłanje 23.06.2024: W Serbskim rozhłosu smy 14 lět dołho skupinku WITAJ-dźěći přewodźeli. Reporterka Monika Gerdesowa je jako “kmótra” pjerachow w Němčanskej a Malešanskej WITAJ-pěstowarni zeznała...

77. serbski ewangelski cyrkwinski dźeń w Slepom ma lětsa hesło „Ty sy Bóh, kiž mje widźi“. Beno Šołta bě na městnje pódla a rozprawja wo swjedźenskich podawkach.

Leńka Thomasowa je wučerka na serbskej fachowej šuli za socialnu pedagogiku w Budyšinje. Tam je na polu hudźby - fachowča prěnjeje hodźiny. Lětsa poda so na wuměnk. Smy probu chóra na šuli sobu dožiwili.

Hłowna zhromadźizna Domowiny je so sobotu w Choćebuskej Starej chemijowej fabrice wotměła. Na njej je 112 delegatow a delegatkow dźěławosć třěšneho zwjazka serbskich towarstwow bilancowało.

Njedźelniše wusyłanje 09.04.2023: Někotři knježkojo chcychu jutrowne jěchanje před sta lětami zakazać. 1623 dóńdźe ke krawnej bitwje w Radworju. Čehodla a što běchu konsekwency z toho – Matej Wjeńka nam to rysuje.

Njedźelniše wusyłanje 02.04.2023: Farar z Budyšinka a pčołar - Hadam Bohuchwał Šěrach. Čehodla je tak wuznamny? Tomu chce mjez druhim “Šěrachowe lěto” dopomhać.

Njedźelniše wusyłanje 19.02.2023: Póstniska njedźela. W sćěhowacych 20 mjeńšinach mamy za was pisany wuběr žortow. Słyšeć su Beno Buk, Guido Budar, Franc Čornak a Jan Rjeda. Dajće sej lubić a helaw!

Njedźelniše wusyłanje 29.01.2023: Katolska cyrkej dale w krizy. Ludźo z njeje ćěkaja. Biskopja dyrbjachu reagować: wumyslichu sej „Synodalny puć“. Monika Gerdesowa je so ze synodalku dr. Julianu Ecksteinowej rozmołwjała.